நாணயத்தின் மறுபக்கம்

முன்பிருந்த இரண்டு ரூபாய் நாணயத்தில் தேசத்தின் படமும் அதன் முழுப்பரப்பிலும் விரிந்து பறக்கும் தேசியக்கொடியும் ஒருபுறம் இருக்க, மறுபுறம் அசோகமுத்திரையான சிங்கங்களும் அதன் கீழே "சத்யமேவ ஜெயதே" என்ற விருதுவாக்கும் கம்பீரமாக இடம்பெற்றிருந்தன. இப்போது இந்திய அரசு வெளியிட்டுள்ள இரண்டு ரூபாய் நாணயத்தில் கீழ்க்கண்ட மாற்றங்கள் உள்ளன (படம் 1):

படம் 1: சிலுவைக்கே முதலிடம்- அசோகச்சின்னம் குறுக்கப்பட்டது
- தேசத்தின் படமும் தேசியக்கொடியும் அறவே நீக்கப்பட்டு விட்டன.
- அசோக முத்திரை உள்ள பக்கம் மூன்றாகப் பிரிக்கப்பட்டு அந்த மூன்றில் ஒரு பகுதியில் (நடுப்பகுதியில்) அளவில் சுருக்கப்பட்டு 2 என்ற எண்ணுடன் இடத்தை பகிர்ந்து கொண்டபடி அசோகச்சின்னம் பொறிக்கப்பட்டுள்ளது.
- அசோகச்சின்னமே அளவில் சிறிதாக்கப்பட்டு விட்டதால், அதன் கீழே உள்ள "சத்யமேவ ஜெயதே" என்ற வாக்கியம் லென்ஸ் வைத்துப்பார்க்க வேண்டிய அளவிற்கு மிகமிகச்சிறியதாகக் குறுக்கப்பட்டுள்ளது.
- ஆனால், நாணயத்தின் மறுபுறத்திலோ மிகத் தெளிவாகவும் பெரிதாகவும் ஏறக்குறைய மூன்றில் இரண்டு பகுதியை ஆக்கிரமிக்கும் வகையில் சிலுவைச்சின்னம் பொறிக்கப்பட்டுள்ளது- அதுவும் "ஜெருசலேம் சிலுவை" என்றும் குருசடிச்சிலுவை என்று அறியப்படும் "crusader's cross"

இந்த சின்னத்தின் மூலாதாரம் 9-ஆம் நூற்றாண்டின் கிறித்துவ மன்னன் லூயியின் (Louis the Pious) நாணயத்தில் உள்ளது. (படம் 2: "லூயி மன்னனின் கிறித்துவ நாணயம்").

இதில் உள்ள பெசன்ட் எனப்படும் நாற்புள்ளிகளுக்கு- நான்கு திசைகளிலும் சென்று கிறித்துவின் நற்செய்தி பரப்பவேண்டிய அவசியத்தைச் சுட்டுவது; மற்றும் மத்தேயு, மார்க், லூக்கா, யோவான், என்ற நான்கு முக்கிய கிறித்துவ நற்செய்தி லிபியங்களைக் குறிப்பது - என்று இரண்டு வகை விளக்கங்கள் முக்கியமாகத் தரப்படுகின்றன. இந்த சின்னமே பின்னர் ஜெருசலேம் சிலுவையாக மாறி முஸ்லீம்களிடமிருந்து ஜெருசலேத்தை மீட்க போப் இரண்டாம் அர்பன் தொடுத்த முதல் சிலுவைப்போரில் கிறித்துவப் படையின் ஆயுதச்சின்னமாக விளங்கியது. முதல் சிலுவைப்போரில் முஸ்லீம்களை வென்று வாகை சூடிய காரணத்தால் குருசடிச்சிலுவை எனவும் அறியப்பட்டது (படம் 3).

படம் 3: ஜெருசலேம் சிலுவை

இந்த இடைக்கால ஐரோப்பாவின் கிறித்துவ சின்னத்தை, இஸ்லாமியருக்கெதிரான கிறித்துவத்தின் அன்றைய போர்ச்சின்னத்தை இந்திய அரசாங்கம் இப்போது ஏன் தூசி தட்டி எடுத்து இந்திய நாணயத்தில் பொறிக்க வேண்டும்? இது குறித்து நாணயக்கிடங்குகளுக்கு (மின்ட்) எழுதியதற்கு எனக்கு வந்த பதில்: " The cross is not a catholic cross but it is the concept shows (sic) a stylised representation of unity in diversity, a defining characteristic of our country. The symbol may be seen as four heads sharing a common body. It may be thought of as people from all four parts of the country coming together under one banner and identifying with one nation". அதாவது வேற்றுமையில் ஒற்றுமை என்பதைக்காட்டும் வகையில் நாற்புற மக்களையும் ஒன்றிணைப்பதைக் குறிக்கும் சின்னமாம். இது போன்ற மர்மக்குறியீட்டை சமீபத்தில் "டாவின்சி கோட்" நாவலைத் தவிர வேறெங்கிலும் நான் படித்ததில்லை. அசோகச்சின்னம்தான் அளவில் குறுக்கப்பட்டது , சிலுவையிருக்கும் பக்கத்தில்தான் ஏகப்பட்ட இடம் இருக்கிறதே, வேற்றுமையில் ஒற்றுமை என்பதைக் காட்டும் சின்னம் என்றால் குறைந்தது அச்சின்னத்துக்குக் கீழே அதனை எழுதித் தொலைக்கவாவது செய்திருக்கலாமே? இரண்டு ரூபாய் நாணயம் சாதாரணர்களிடையே மிக அதிகம் புழங்கும் நாணயம்; அவர்களுக்கெங்கே இதைப்படிக்கவெல்லாம் தெரியப்போகிறது என்று விட்டு விட்டார்கள் போலிருக்கிறது. ஆனால், சாதாரணனுக்கு பார்த்தவுடன் இதில் உள்ள ஸ்டைலைஸ்டு கருத்து, வேற்றுமையில் ஒற்றுமை என்ற மர்மச்செய்தி எல்லாம் புரிந்து விடுமா என்றால் ஒரு இழவும் புரியப்போவதில்லை; ஆனால், பார்த்ததும் "அட சிலுவை!" என்று சட்டெனப் புரிந்துவிடும்தான். இச்சின்னத்திற்கும் வேற்றுமையில் ஒற்றுமைக்கும் அதிகத் தொடர்பா, அல்லது கிறித்துவ சிலுவைக்கும் அதிகத் தொடர்பா என்பதைப் படிப்பவர் முடிவுக்கே விட்டு விடுகிறேன்.

கோவிலை வியாபாரத்தலமாக்குவதை எதிர்த்து வியாபாரிகளை ஏசு அடித்து விரட்டியடித்ததாக பைபிள் கதையொன்றில் படித்திருக்கிறேன். நாணயத்தில் போர்ச்சின்னச் சிலுவைக்குறியைப் பார்க்கையில், சிலுவை என்ற சின்னம் ஆதிக்கப்போரின் குறியீடாகத்தொடங்கி அழிவின் குறியீடாகவும் வியாபாரத்தின் குறியீடாகவும் ஆகிப் போயிருப்பதுதான் கண்கூடாகத்தெரிகிறது. ஏசு என்ற குறியீட்டின் மேல் உண்மையில் நம்பிக்கை கொண்டவர்க்கு சிலுவை என்ற சின்னம் காசில் கைமாறுவது உவப்பானதாய் இருக்கும் எனத் தோன்றவில்லை. சிறிதே வரலாறு அறிந்த முஸ்லீம்களுக்கும் குருசடிப் போர்களின் கிறித்துவ வெற்றிச் சின்னமானது பெருமிதம் தரப்போவது இல்லை. இந்துக்கள் மட்டுமே வழக்கம்போல் "ஆஹா! நமது பரந்த மனப்பான்மையைக் காட்ட மீண்டும் ஒரு அரிய வாய்ப்பு கிட்டி விட்டது" என்று இதனைக் கொண்டாடுவர் என்று அரசு எண்ணியதோ என்னவோ தெரியவில்லை. எப்படியிருந்தாலும் இதில் என்ன வேற்றுமையில் ஒற்றுமை என்ற வெற்று பம்மாத்து, வெங்காயம் எல்லாம் வேண்டிக் கிடக்கிறது? நிற்க.

ஒருவேளை சிலுவைச் செய்தியை இந்துப்பாவிகளிடத்தில் கொண்டு சேர்ப்பதுதான் இந்த சின்னத்தை வடிவமைத்த நிறுவனத்தின் நோக்கமோ என்ற சந்தேகம் எழவே டிசைன் செய்தது யாரென விசாரிக்க "நேஷனல் இன்ஸ்டிட்யூட் ஆஃப் டிசைன், அகமதாபாத்"தான் இதனை வடிவமைத்த அமைப்பு என இந்திய அரசின் சார்பில் "மின்ட்"டிடமிருந்து பதில் வந்தது. படைப்புத்திறனோ அழகியலோ சிறிதும் இன்றி, முந்தைய நாணயத்திலுள்ளது போன்ற இன்ஸ்பிரேஷன் தரும் கலையுணர்வோ, கற்பனையோ எதுவும் இன்றி, இப்படி ஒரு சிலுவை நாணயத்தை வடிவமைக்க இந்தியாவின் முதன்மை வடிவமைப்பு நிறுவனம் எதற்கு, லோக்கல் பங்குத்தந்தை போதுமே என்ற கேள்வி எழ, 'கேரளக் கிறித்துவர் போலிருக்கிறதே, இச்சின்னம் பற்றியும் இதன் வடிவமைப்பின் பின்புலம் குறித்தும் கூடுதல் தகவல் தெரிந்திருக்கும்' என்ற நம்பிக்கையில் அந்த நிறுவனத்தின் இயக்குனர் டாக்டர் டார்லி கோஷி தொடர்பு கொண்டால் பதில் ஏதும் இல்ல

சக்குடி சீனிவாசன்: மத்திய அரசு தமிழகத்துக்கு எந்த உதவியும் செய்யாமல்...

சக்குடி சீனிவாசன்:
மத்திய அரசு தமிழகத்துக்கு எந்த உதவியும் செய்யாமல்...: மத்திய அரசு தமிழகத்துக்கு எந்த உதவியும் செய்யாமல் இருப்பதை குறிப்பிடும் வகையில், அண்ணாதுரை சொன்ன வசனம் "வடக்கு வாழ்கிறது, தெற்கு த...

மத்திய அரசு தமிழகத்துக்கு எந்த உதவியும் செய்யாமல் இருப்பதை குறிப்பிடும் வகையில், அண்ணாதுரை சொன்ன வசனம் "வடக்கு வாழ்கிறது, தெற்கு தேய்கிறது" அது இன்றைய நிலமையில் தமிழகத்துக்கு உள்ளே நடந்து கொண்டிருப்பது கொடுமை.

2 மணி நேர மின்வெட்டு உள்ள சென்னை எங்கே ? 8 முதல் 14 மனி நேர மின்வெட்டு உள்ள கோவை, திருப்பூர் மற்றும் ஈரோடு மாவட்டங்கள் எங்கே ? தொழில் நகரங்களாகிய மேற்கு மாவட்டங்கள் கிட்டத்தட்ட இருண்ட மாவட்டங்களாக போய்விட்டதால் எத்தனை பேருக்கு எத்தனை இழப்பு ?

அரசாங்கத்தின் எந்தவிதமான உதவியும் இல்லாமல் சுய உழைப்பின் மூலமாக முன்னுக்கு வந்தது கோவை மற்றும் சுற்றுப்புற மாவட்டங்கள். கோவை வாசிகளுக்கு உழைப்பே தாரக மந்திரம். புதிய கண்டுப்பிடிப்புகளை உருவாக்குவதில் தன்நிகரற்றவர்கள். இயந்திர பாகங்கள், பஞ்சாலைகள், பம்பு செட்டுகள், என்று இந்தியாவின் தலைசிறந்த தொழில் நகரமாக விளங்கி வந்தது கோவை. அதிலும் குறிப்பாக திருப்பூர் என்றாலே பின்னலாடைகளும், உலகப் புகழ் பெற்ற டீ-ஷர்டுகளும்தான் ஞாபகம் வரும். எறும்புகள் போல் சுறுசுறுப்பாய் இயங்கும் நகரம் திருப்பூர், அயராத உழைப்பு, கைநிறைய சம்பளம், வருபவருக்கு எல்லாம் வேலை என்று ஜொலித்துக் கொண்டிருந்த நகரம். ஆனால் இன்று ?

திருப்பூரில் பல கடைகளும், அலுவுலகங்களும் எடுக்க ஆள் இல்லாமல் இருக்கிறதாம். ஏற்கனவே கழிவுகளால் ஏற்பட்ட சுற்றுசூழல் பிரச்சினைகளால் பெரிதும் பாதிக்கப்பட்ட நகரம், மின்வெட்டினால் மிகப்பெரும் தேக்க நிலைக்கு வந்து விட்டது. வடமாநில பணியாளர்கள் பலர் திரும்பி சென்று விட்டனர். வாங்கிய கடனை கட்ட முடியாமல் பல சிறு மற்றும் மத்திய தொழில் அதிபர்கள் திணருகிறார்கள். சிலரோ, சாதுர்யமாக தங்கள் தொழிற்சாலைகளை குஜரத்திற்கு மாற்றிக் கொண்டு விட்டனர்.

திருப்பூரை சேர்ந்த "டைல்ஸ்" தொழில் செய்யும் இஸ்லாமிய நண்பருடன் பேசிக் கொண்டிருந்தேன். குஜராத்தில் இருந்து டைல்ஸ்களை எடுத்து திருப்பூரில் விற்று வருபவர். அவரின் நண்பர்கள் பலர் குஜராத்துக்கு தொழிலை மாற்றிச் சென்றுவிட்டதை குறிப்பிட்டார். "அங்கு அரசாங்கமே எல்லா வசதிகளையும் செய்து கொடுத்து விடுகிறது, ஒரே வாரத்தில் உங்கள் தொழிற்சாலையிலேயே ஒரு ட்ரான்ஸ்பார்மரை நிறுவி விடுகிறார்கள். 24 மணி நேர மின் விநியோகம். இங்கே தமிழகத்தில் மின் சப்ளை கிடைப்பதற்கே ஒன்று அல்லது இரண்டு மாதம் ஆகிறது, அதில் பலரை வேறு "கவனிக்க: வேறு வேண்டும். 80 சதவீதம் வரை லோன் உடனே கிடைக்கிறது. லஞ்சம் இல்லை. பின்னலாடைகளுக்கு தேவையான அனைத்து மூலப்பொருள்களும் வெகு விரைவில் கிடைக்கிறது" என்றார். மேலும் இதனால் குஜராத்தில் மூலப்பொருள் உற்பத்தி செய்பவர்களுக்கும், தங்கள் பொருட்களை உள்ளூரிலேயே விற்க முடிகிறது. இதனால் குஜராத்தின் வளர்ச்சி இன்னும் அதிகமாகிறது என்றார்.

இங்கே என்ன நடந்து கொண்டிருக்கிறது ? பாரபட்சமான‌ மத்திய அரசுக்கும், மாநில அரசுக்கும், சூழ்ச்சிக்கார எதிர்கட்சிக்கும் இடையே நடக்கும் அரசியல் யுத்தங்களில் எல்லாமே இருளில் மூழ்கிக் கொண்டிருக்கிறது. மக்களின் நிலமை கேள்விக்கு உரியதாகியுள்ளது. கூடிய விரைவில் அனைவரும் தெருவுக்கு வந்து ஒரு ரூபாய் இட்லிக்காக எதிர்ப்பார்க்கும் நேரம் வந்துவிடும் போல் உள்ளது.

சக்குடி சீனிவாசன்: விஞ்ஞானிகளையே வியக்க வைத்த நடராஜர் தத்துவம் உல...

சக்குடி சீனிவாசன்:
விஞ்ஞானிகளையே வியக்க வைத்த நடராஜர் தத்துவம்



உல...: விஞ்ஞானிகளையே வியக்க வைத்த நடராஜர் தத்துவம் உலகின் மிகப் பெரும் இயற்பியல் விஞ்ஞானிகளில் ஒருவர் கார்ல் சகன். (பிறப்பு 9-11-1934; மறைவு...

விஞ்ஞானிகளையே வியக்க வைத்த நடராஜர் தத்துவம்



உலகின் மிகப் பெரும் இயற்பியல் விஞ்ஞானிகளில் ஒருவர் கார்ல் சகன். (பிறப்பு 9-11-1934; மறைவு 20-12-1996). சிறந்த விஞ்ஞான எழுத்தாளராகவும் விளங்கியது இவரது தனிச் சிறப்பு!

பாமரனுக்கும் அறிவியலைக் கொண்டு செல்ல வேண்டும் என்ற அவாவில் இவர் கடுமையாக உழைத்தார். தொலைக்காட்சித் தொடர்களை எளிய முறையில் அமைத்து பெரிய விஞ்ஞான விஷயங்களை அழகுற எளிமையாக விளக்கினார்.

அமெரிக்காவில் ஒளிபரப்பப்பட்டு உலகெங்கும் உள்ளோர் பார்த்த 'காஸ்மாஸ்' என்ற பிரபஞ்சம் பற்றிய தொடரை எடுக்கும் மாபெரும் பொறுப்பை இவர் மேற்கொண்டார். 13 எபிசோடுகளில் பிரபஞ்சத்தைப் பற்றி விளக்க வேண்டும்.

இந்தத் தொடரை ஒரு நல்ல அறிமுக உரையுடன் துவக்க அவர் எண்ணினார். இதற்காக பிரபஞ்சம் பற்றிய அறிவை சரியான முறையில் விஞ்ஞானக் கண்டுபிடிப்பிற்கும் விளக்கத்திற்கும் ஒப்ப எந்த நாகரிகம் கொண்டிருக்கிறது என்று ஆராய ஆரம்பித்தார். உலகின் மிகப் பழம் பெரும் நாகரிகங்களான எகிப்திய, சுமேரிய, கிரேக்க ரோமானிய, பாபிலோனிய நாகரிகங்கள் உள்ளிட்ட அனைத்து நாகரிகங்களையும் ஆராய்ந்தும் அவருக்குத் திருப்தி ஏற்படவில்லை. பல்வேறு நாகரிகங்களையும் அவை சார்ந்த மதங்களையும் ஆராயப் புகுந்தவர் அவற்றின் இதிஹாஸ புராணங்களையும் படிக்க நேர்ந்தது. இறுதியாக அவர் பார்வை ஹிந்து நாகரிகத்தின் மீதும் ஹிந்து இதிஹாஸ புராணங்களின் மீதும் பதிந்தது. ஹிந்து மதத்தின் அறிவியல் ரீதியான பிரபஞ்சம் பற்றிய கொள்கையைப் படித்துப் பிரமித்து அவர் அசந்தே போனார்.

இந்தியர்கள்தான் உலகிற்கே பூஜ்யத்தை வழங்கியவர்கள். ஒன்றுக்கு பக்கத்தில் பூஜ்யத்தைப் போட்டால் அது பத்து, நூறு, ஆயிரம் என்று அதிகரிக்கிறது. ஆனால் ஒன்றுக்கு இடப்பக்கதில் எத்தனை பூஜ்யங்களைப் போட்டாலும் ஒன்று ஒன்றாகவே இருக்கிறது. இந்த வியப்பிற்குரிய அமைப்பு கணிதத்தையே எளிமையாக்கி எவ்வளவு பெரிய எண்ணானாலும் எழுதுவதற்கும் கணக்குகளைப் போடுவதற்கும் சௌகரியத்தை ஏற்படுத்தியது. ரோமானிய எழுத்துக்களால் எழுதப்படும் எண்ணோ ஒரு பெரிய தொகையை எழுதும் போது மிக்க குழப்பத்தை விளைவிக்கிறது. சுலபமான நடைமுறையில் இல்லாத அதை எழுதவே சிரமப்பட வேண்டும்.

இது மட்டுமன்றி எல்லையற்ற பிரபஞ்சத்தில் ஆயிரம், பத்தாயிரம், லட்சம் என்ற எண்களெல்லாம் மிக மிகச் சிறியவை ஆகி விடுகிறது. பெரிய பெரிய எண்களைக் குறிக்கும் வார்த்தைகள் எந்த நாகரிகத்தில் இருக்கிறது என்று பார்த்தால் திரும்பவும் பார்வை ஹிந்து மதம் பக்கமே திரும்ப வேண்டும்!


விஞ்ஞானத்தின் முக்கிய இயல்களில் ஒன்றான இயற்பியல் (பிஸிக்ஸ்) முன்னேற முன்னேற
அதன் புதுப் புதுப் பகுதிகளாக க்வாண்டம் பிஸிக்ஸ், பார்டிகிள் பிஸிக்ஸ் போன்றவை
உருவாகி உள்ளன.



கார்ல் சகன் தனது காஸ்மாஸ் டி.வி. தொடருக்காக நடராஜரைத் தேடி சிதம்பர ரகசியத்தை அறிய தமிழ்நாடு வந்தார். தமிழ்நாட்டில் ஒரு நாள் காலை ஆறரை மணிக்கு தனது படப்பிடிப்புக் குழுவினர் புடைசூழ நந்தி இருக்கும் இரு கோவில்களுக்கு விஜயம் செய்தார். ஒரு கோவிலின் அருகே தாமரைத் தடாகம் ஒன்று இருந்தது. இவர்கள் வருவதைப் பார்த்த பத்து வயதுச் சிறுவன் ஒருவன் சரேலென தாமரைக் குளத்தில் பாய்ந்து ஒரு அழகிய தாமரை மலரைப் பறித்து வந்து கார்ல் சகனின் மனைவியிடம் தந்து தனது பெயரைச் சொல்லி அறிமுகப்படுத்திக் கொண்டான்.


எளிமையான, ஆனால் உணர்ச்சிபூர்வமான இந்த அன்பளிப்பால் அனைவரும் அசந்து போனார்கள். இதை நினைத்து நினைத்து நெகிழ்ந்து போன கார்ல் சகன் பின்னால் நியூ டைஜஸ்ட் என்ற பத்திரிக்கையின் ஆசிரியரான ப்ளேசிடோ பி.டி.சௌஸா என்பவரிடம் இதைச் சொல்லி தமிழக விஜயம் தனக்கு பல அதிசய அனுபவங்களைத் தந்ததாகக் குறிப்பிட்டார்.


பிரபஞ்சத்தில் எல்லையற்ற காலத்தையும் ஆக்கலையும் அழித்தலையும் சுட்டிக் காட்டும் சிவநடராஜரைப் பற்றி தமிழகத்தில் அறிந்து கொண்டு நடராஜரைத் தன் காஸ்மாஸ் தொடரில் பத்தாவது எபிசோடான 'தி எட்ஜ் ஃபார் எவரில்' (The edge forever) அவர் பயன்படுத்திக் கொண்டார். கலிஃபோர்னியாவில் பாஸடோனா என்ற இடத்தில் உள்ள நடராஜரை அவர் படம் பிடித்தார்.


இதே கால கட்டத்தில் அணுத்துகள் விஞ்ஞானத்தை விளக்க வந்த உலகின் மிகப்பெரும் இயற்பியல் விஞ்ஞானியான டாக்டர் பிரிட்ஜாஃப் காப்ரா சிவ நடராஜாவின் நடனத்தைக் கண்டு அதிசயித்திருந்தார்! ஆஸ்திரியாவில் பிறந்த அமெரிக்க விஞ்ஞானி இவர். "தி டாவோ ஆஃப் பிஸிக்ஸ்' (The Tao of Physics) என்ற இவரது நூல் உலகப் பிரசித்தி பெற்றது. இந்த நூல் 1975ல் வெளிவந்தது. 23 மொழிகளில் 43 பதிப்புகளாக வெளிவந்த இந்த நூலை லட்சக்கணக்கானோர் படித்தனர்; இன்றும் படித்து இன்புறுகின்றனர்!


அதில் அவர் சிவ நடராஜரின் நடனம் பற்றிக் கூறுகிறார்:-"மேலை நாடுகளின் இயந்திரத்தனமான பார்வையை விட கீழை நாடுகளின் பார்வை உயிருள்ள முழுமையான ஒன்று; அது சுற்றுப்புறச் சூழலை ஒட்டியது! கீழை நாட்டு ஞானிகளுக்கு பொருள்கள் எப்போதும் மாறிக் கொண்டே இருக்கும் திரவ வடிவம் போன்ற ஒன்றுதான்! பிரபஞ்சம் எப்போதுமே இயங்கிக் கொண்டிருக்கும் பிரிக்க முடியாத ஒன்றாக அவர்களால் காணப்பட்டது. இந்தக் கருத்தே இன்றைய நவீன பௌதிகத்திலும் உருவாகி வருகிறது. நவீன பௌதிகம் அணுத்துகளை - தொடர்ந்து நடனமாடும் ஒன்றாக - அதிர்ந்து கொண்டே இருக்கும் ஒன்றாகக் கூறுகிறது. கீழை நாட்டு ஞானிகள் உலகைப் பற்றி விவரிப்பது போலவே இது உள்ளது. ஆற்றல் நடனம் அல்லது உலகை உருவாக்கி பின்னர் அழிக்கும் நடனமானது சிவ நடராஜரின் நடனம் போலவே உள்ளது."


அணுத்துகள் விஞ்ஞானம் கற்க விரும்புவோர் நடராஜரின் நடனத்தைப் பற்றி முதலில்
சற்று அறிய வேண்டும் என்றார் காப்ரா! அணுவில் உள்ள அசைவை - நடனத்தை - சிவ நடராஜரின் ஆட்டத்தில் கண்ட காப்ரா அதை அப்படியே லாஸ் ஏஞ்சலீஸில் 1977 அக்டோபர் 29ம் தேதி பிஸிக்ஸ் அண்ட் மெடா பிஸிக்ஸ் என்ற கருத்தரங்கத்தில் தான் ஆற்றிய முக்கிய உரையில் உலகத்திற்கு விளக்கினார்:




"நவீன இயற்பியல் விஞ்ஞானிகள் பொருளை அசைவற்ற ஜடமாகக் கருதவில்லை. துடிப்புள்ள தொடர்ந்து நடனமிடும் ஒன்றாகக் கருதுகின்றனர். இந்தியக் கலைஞர்கள் சிவ நடராஜரின் நடனத்தைச் சித்தரிக்கும் அருமையான ஓவியங்களையும் சிற்பங்களையும் படைத்துள்ளனர். இவை பிரபஞ்ச நடனத்தின் பார்வை சித்திரங்களாகும். மேற்கத்திய நவீன உபகரணங்களை உபயோகித்து இப்போது நாம் கண்டறிந்துள்ளவை சிவ நடனத்தின் புதிய பிரதியே. ஹிந்து சிற்பங்களில் உள்ள பிரம்மாண்டமும் அழகும் இதிலும் உள்ளன என்றே எனக்குத் தோன்றுகிறது. ஆகவே அவை இரண்டையும் இணைத்துள்ளேன்."



நவீன உபகரணங்கள் மூலமாக அணுவில் உள்ளே துகள்கள் நடனமிடும் அற்புதக் காட்சியைப் படம் பிடித்து அதை அப்படியே நடராஜரின் நடனத்துடன் ஒப்பிடும் காட்சியைப் பார்த்த உலக விஞ்ஞானிகள் வியந்தனர்.


விஞ்ஞானிகள் தங்களது நவீன உபகரணங்கள் வாயிலாகக் கண்டதை நம் மெய்ஞானிகள் அந்தக்கரணம் வழியே கண்டு அப்படியே உலகிற்கு எடுத்துரைப்பதன் உதாரணம்தான் அருணகிரிநாதர் தன் திருப்புகழில் பாடிய பரமகுருவாய், அணுவில் அசைவாய் என்ற வரிகளாகும் (இருவர் மயலோ என்று தொடங்கும் திருப்புகழ்)


இதைத் தொடர்ந்து 2004ம் ஆண்டு ஜூன் மாதம் 18ம் தேதி ஐரோப்பிய அணுத்துகள் இயற்பியல் ஆராய்ச்சி மையத்திற்கு இந்திய அரசாங்கம் 2 மீட்டர் (சுமார் ஆறு அடி) உயரமுள்ள நடராஜரின் சிலையை அந்த நிறுவன விஞ்ஞானிகள் இந்தியாவுடன் தொடர்ந்து கொண்டிருக்கும் நல்லுறவைப் போற்றும் வகையில் வழங்கியது. (ஜெனிவாவில் அமைந்திருக்கும் இந்த மையத்துக்கு இந்தியா வழங்கிய நடராஜரின் சிலையைப் படத்தில் பார்க்கலாம்)


செர்ன் (CERN) விஞ்ஞானிகள் அணுத்துகள் நடனத்தையும் நடராஜரின் நடனத்தையும் ஒப்பிடுவதைப் போற்றி நன்றி தெரிவிப்பதற்காக இதை வழங்குவதாக நம் அரசு பெருமையுடன் தெரிவித்தது.

ஆக, விஞ்ஞானம் வியக்கும் மெய்ஞான நடனம் நம் சிதம்பர நடராஜரின் நடனம் என்பதை அறியும் போது நம் மெய் சிலிர்க்கிறது அல்லவா?!

இப்படிப்பட்ட பதிவுகளை இத் தளத்தில் ஏன் இடுகிறோம் என்றால் இனிமேல் ஆவது இந்து மத மகிமையை உணர்ந்து இந்து மதத்தை இழுக்காக்கும் ஆசாமிகள் பற்றி பதிவிடும் பதிவாளர்கள் இந்துவின் மகிமை பற்றி பதிவிடுவீர்கள் என எதிர்பார்க்கிறோம்..

என்றும் அன்புடன்
தர்மத்தின் பாதையில்

sakkudisrinivasan 

சக்குடி சீனிவாசன்: ராஜீவ் காந்தி சுவீடன் தரகராக இருந்ததாக விக்கிலீக்ஸ...

சக்குடி சீனிவாசன்: ராஜீவ் காந்தி சுவீடன் தரகராக இருந்ததாக விக்கிலீக்ஸ...: ராஜீவ் காந்தி சுவீடன் தரகராக இருந்ததாக விக்கிலீக்ஸ் தகவல்" ================ பிரதமர் ஆவதற்கு முன்பு போர் விமானங்கள் வாங்குவதில் இடைத்...

ராஜீவ் காந்தி சுவீடன் தரகராக இருந்ததாக விக்கிலீக்ஸ் தகவல்"
================
பிரதமர் ஆவதற்கு முன்பு போர் விமானங்கள் வாங்குவதில் இடைத்தரகராக ராஜிவ்காந்தி செயல்பட்டதாக விக்கி லீக்ஸ் தகவல்கள் வெளியிட்டுள்ளது. இது குறித்து காங்கிரஸ் விளக்கமளிக்க வேண்டும் என்று பாரதிய ஜனதா கருத்து தெரிவித்துள்ளது. மிக முக்கியமான ஆயுத பேரங்கள் குறித்து தகவல்கள் வெளிவரும் போது ராஜிவ் குடும்பத்தினர் பெயர்கள் மட்டுமே கூறப்படுவதாகவும் பாரதிய ஜனதா கூறியுள்ளது.

1970களில் ஸ்வீடன் நிறுவனமான சாப்-ஸ்கேனியா (Saab-Scania) என்ற நிறுவனம் இந்தியாவிற்கு விக்கென் (Viggen) போர் விமானங்களை விற்க முயன்ற போது அதற்கு இடைத்தரகராக ராஜிவ் செயல்பட்டதாக விக்கி லீக்ஸ் தகவல் வெளியிட்டுள்ளது. ஆனாலும் அந்த பேரத்தில் சாப்-ஸ்கேனியா வெற்றி பெற வில்லை.

1975 ஆம் ஆண்டு அக்டோபர் மாதம் ராஜிவிற்கு இந்த விவகாரத்தில் தொடர்பு இருப்பதாக ஸ்வீடன் தூதரகத்தின் அதிகாரி மூலம் தகவல் கிடைத்ததாக கூறப்பட்டுள்ளது.

இதன்படி ராஜிவை ஏர் இந்தியாவில் பைலட்டாக பணியாற்றுவதாக மட்டுமே அறிவதாகவும், அவரை தொழில் முனைவோராக இப்போதுதான் அறிகிறோம் என்று சுவீடன் தூதரகத்தில் செய்தி பதிவு செய்யப்பட்டுள்ளதாக விக்கிலீக்ஸ் கூறியுள்ளது.

அப்போது பிரதமாராக இருந்த இந்திரா காந்தி பிரிட்டனிடமிருந்து ஜாகுவார் விமானங்களை வாங்க விரும்பவில்லை என்ற தகவலும் சுவீடனிடமிருந்து பெறப்பட்டுள்ளதாகவும் விக்கிலீக்ஸ் தெரிவித்துள்ளது. ராஜிவ் காந்தி அரசியலுக்கு வருவதற்கு முன்பு விமான ஓட்டியாக பணியாற்றி வந்தார்.

பா.ஜ.க., கடும் தாக்கு: பாதுகாப்புத் துறைக்கு காங்கிரஸ் அரசு செய்யும் ஒப்பந்தங்கள் அனைத்தும் சுவீடன் மற்றும் இத்தலி நாடுகளுடனேயே மேற்கொள்ளப்படுகின்றன. மேலும் இந்த ஒப்பந்தங்கள் அனைத்தும் ராஜீவ் காந்தி குடும்பத்தினராலேயே மேற்கொள்ளப்படுகின்றன.

போஃபர்ஸ் பீரங்கி பேர ஊழல் அக்குடும்பத்தினருக்கு உள்ள தொடர்புகளுக்கு இதுவரை விடை தெரியவில்லை. ஹெலிகாப்டர் ஊழலில் ஒரு குடும்பத்திற்கு 200 கோடி ரூபாய் லஞ்சம் கொடுத்ததாக கூறப்படுகிறது. அந்த குடும்பம் எது என்று தெரியவில்லை. இந்த குற்றச்சாட்டுக்கள் குறித்து கண்டிப்பாக விளக்கம் அளிக்க வேண்டும் என பாரதிய ஜனதா கட்சி செய்தித் தொடர்பாளர் பிரகாஷ் ஜவேட்கர் தெரிவித்துள்ளார்.